KZTO 834,63 (+0,21%)
KASE «ҚазТрансОйл» АҚ акциялары 834,63 (+0,21%)
Brent ()
WTI ()
0
0
0
2023 жылы «ҚазТрансОйл» АҚ мен оның қызметкерлері арасында жаңа Ұжымдық шарт жасасу жоспарлануда. Бұл туралы корпоративтік телеарнада тікелей эфир аясында әлеуметтік-еңбек қатынастары және жалпы мәселелер жөніндегі Басқарушы директор Ғазиз Қошанов мәлімдеді.
- Бүгінгі таңда біздің алдымызда қоғам мен оның қызметкерлері арасында жаңа Ұжымдық шарт жасасу бойынша маңызды міндет тұр. 2023 жылғы ақпанда ағымдағы Ұжымдық шарттың қолданысы аяқталады. Осыған байланысты, 2022 жылдың қараша-желтоқсан айларында қызметкерлер кәсіподағымен үш жылдық кезеңге арналған жаңа Ұжымдық шарттың жобасын талқылау жөніндегі келіссөздер рәсімін бастауды жоспарлап отырмыз, - деп атап өтті Ғазиз Қошанов.
Естеріңізге сала кетейік, Ғазиз Жақанұлы биылғы жылы әлеуметтік-еңбек қатынастары блогының қызметі және жалпы мәселелер туралы айтып берді. Сондай-ақ, тікелей эфирде Қоғам қызметкерлерінің бірқатар толғандыратын сұрақтарына жауап берді.
