«ҚазТрансОйл» АҚ ұлттық деңгейде энергияны тұтынуға өз ықпалының дәрежесін түсіне отырып, Қазақстан Республикасының мемлекеттік энергетикалық тізілімінің алғашқы субъектілерінің бірі болып 2015 жылы ISO 50001 халықаралық стандартының талаптарына сәйкес энергетикалық менеджмент жүйесін енгізді.
ISO 50001 стандартын енгізудің негізгі мақсаты «ҚазТрансОйл» АҚ энергетикалық ресурстарды тұтыну процесін оңтайландыру және осы процесті жүйелі басқару бойынша құрылымдалған және жан-жақты қамтылған нұсқаулықпен қамтамасыз ету болып табылады.
ISO 50001 стандартының талаптарына сәйкес «ҚазТрансОйл» АҚ Энергетикалық саясатты әзірледі, энергетикалық ресурстарды тұтынуға терең энергетикалық талдау жүргізеді, оның негізінде жыл сайынғы энергетикалық мақсаттар мен міндеттерді және заңнамалық талаптар мен энергияны елеулі пайдалануға қатысты басқа да ақпаратты ескеретін іс-қимылдар жоспарларын белгілейді.
«ҚазТрансОйл» АҚ бойынша 2015 жылдан бастап 2024 жылды қоса алған кезеңге мұнайдың жүк айналымына электр энергиясының үлестік шығынының 11,5 %-ке төмендеуіне қол жеткізілді (38 млн. кВт*сағ. үнемделді) және «ыстық» мұнай құбырлары бойынша мұнайдың жүк айналымына газдың үлестік шығынының 29 %-ке төмендеуіне қол жеткізілді (50 млн. м3 үнемделді).
2024 жылы «ҚазТрансОйл» АҚ объектілерінде кезекті энергетикалық аудит өткізілді, оның нәтижелері бойынша «ҚазТрансОйл» АҚ-ның 2025-2029 жылдарға арналған энергия үнемдеу және энергетикалық тиімділікті арттыру жөніндегі іс-шаралар жоспары әзірленді және бекітілді.
«ҚазТрансОйл» АҚ энергетикалық менеджмент жүйесінің ISO 50001:2018 халықаралық стандарт талаптарына сәйкестік сертификаты (
Жүктеу |
Жаңа терезеде қарау)
pdf 93.83Кб 476
