Дивидендтік саясат

«ҚазТрансОйл АҚ дивидендтік саясаты» Жалғыз акционердің 2012 жылғы 3 маусымдағы шешімімен бекітілген («ҚазМұнайГаз» ҰК АҚ Басқарма отырысының №75 хаттамасы).
 
Қоғамның дивидендтік саясаты Қоғам мен оның акционерлері мүдделерінің теңгерімін сақтауға, сондай-ақ Қоғамның капиталдандыруын және инвестициялық тартымдылығын көтеру қажеттілігіне негізделген.
 
Дивидендтік саясат Қоғамның таза кірісінен 40%-дан кем емес дивидендтерді төлеу сомасын белгілейді. Дивидендтердің нақты мөлшері Қоғамның таза кірісінен 100 % болуы немесе одан асуы мүмкін, егер ол Қоғамның міндеттеріне қайшы келмесе.
 
Басқарма тиісті қаржы жылына Қоғамның нақты нәтижелерін, жалпы салалық даму серпінін және Қоғамның күрделі (инвестициялық) шығындары бағдарламасын басшылыққа ала отырып, дивидендтерді 40% нормативтен төмен төлеу деңгейін ұсыну құқығын өзіне қалдырады.
 
Қоғамның Директорлар кеңесі тоқсанның немесе жартыжылдықтың қорытындылары бойынша Қоғамның таза кірісін бөлу тәртібі туралы ұсынысты дайындау кезінде дивидендтер төлеуге жолданған сома тиісті қаржы кезеңі үшін Қоғамның таза табысының кемінде 10 %-ын құрайтынын басшылыққа алады. Тоқсанның немесе жартыжылдықтың қорытындылары бойынша дивидендтер төленген жағдайда, аралық төлемдердің нақты сомалары тиісті қаржы кезеңі үшін дивидендтер төлеу кезінде ескеріледі.
 
Қоғам дивидендтерді ақшалай нысанда төлейді.
 
Дивидендтер төлеу мерзімін Акционерлердің жалпы жиналысы дивидендтер төлеу туралы шешімде белгілейді.

---

Өткен жылдар үшін дивидендтер төлеу