KZTO 894,00 (+0,22%)
KASE «ҚазТрансОйл» АҚ акциялары 894,00 (+0,22%)
Brent ()
WTI ()
0
0
0

Инвестициялық жобалар

Компанияның ірі инвестициялық жобаларының бірі «Қазақстан-Қытай» магистральдық мұнай құбырлары жүйесінің құрылысы болып табылады. Оны іске асыру 2000-шы жылдары, тәуелсіз Қазақстанның көмірсутектерді тасымалдаудың көпвекторлы жүйесін құру жөніндегі саясаты шеңберінде басталды. Жобаның ауқымдылығы мен стратегиялық маңыздылығын ескере отырып, оны іске асыру кезең-кезеңмен жүзеге асырылды. 2006 жылы ұзындығы 960 шақырымнан асатын «Атасу – Алашанькоу» (ҚҚҚ) мұнай құбыры, 2009 жылы «Кеңқияқ-Құмкөл» мұнай құбыры (ҚҚҚ) салынды және пайдалануға берілді.

«Қазақстан-Қытай мұнай құбыры құрылысының екінші кезеңінің екінші кезегі. Мұнай өнімділігін жылына 20 млн тоннаға дейін ұлғайту» (Қазақстан-Қытай жобасы) мұнайды экспортқа жеткізу бағыттарын әртараптандыруға, сондай-ақ Қазақстан Республикасының мұнай өңдеу зауыттарын отандық шикізатпен қамтамасыз етуге бағытталған.

2018 жылы  «Кеңқияқ» БМАС жаңғыртылып,  іске қосылды. Бұрын жоспарланған «ҚазТрансОйл» АҚ-тың Қазақстан-Қытай жобасы бойынша жұмыстары аяқталды. Алайда, Батыс Қазақстан мұнайын ҚР МӨЗ-ге және ҚХР-ға экспортқа жіберу үшін «ҚазТрансОйл» АҚ «МұнайТас» ЖШС-мен және «Қазақстан-Қытай Құбыры» ЖШС-мен бірлесіп, келесі жобаларды іске асырды:
  • «Қазақстан-Қытай» мұнай құбыры құрылысының екінші кезеңінің екінші кезегі» жобасы аясында өнімділігі жылына 6 млн тоннаға дейін жететін «Кеңқияқ-Атырау» мұнай құбыры учаскесі реверсінің бірінші кезеңі. Мұнай өнімділігін жылына 20 млн тоннаға дейін ұлғайту» жобасы  (бұдан әрі – Реверс жобасы);
  • «Қазақстан-Қытай мұнай құбыры құрылысының екінші кезеңінің екінші кезегі. Мұнай өнімділігін жылына 20 млн тоннаға дейін ұлғайту» жобасы  аясында «Кеңкияқ» МАС-тағы және «Құмкөл» МАС-тағы МКӨЖ-дің өткізгіштік қабілетін арттыру» (бұдан әрі – МКӨЖ жобасы).
 
Реверс жобасы аясында:

2020 жылғы 15 маусымда реверс жобасының алғашқы іске қосу кешені пайдалануға берілді.
Екінші іске қосу кешені шеңберінде «Аман» МАС-тың құрылысы жүзеге асырылуда. 2020 жылғы 29 желтоқсанда «Аман» МАС-тағы механикалық аяқтау актісіне қол қойылды.
2021 жылғы 30 маусымда мұнайды кері режимде тасымалдауға мүмкіндік берген 2 іске қосылатын кешен нысандарын («Аман» МАС-тың технологиялық құрылғылары) іске қосу жүзеге асырылды.
2021 жылдың қазан айында «Аман» МАС жылыту пештері іске қосылды, бұл Батыс Қазақстан мұнайын Кеңқияқ-Атырау мұнай құбыры арқылы кері режимде жылына 6 миллион тоннаға дейін тасымалдауды қамтамасыз етуге мүмкіндік берді.
 
МКӨЖ жобасы шеңберінде:

2020 жылғы 31 желтоқсанда «Құмкөл» МКӨЖ және «Кеңқияқ» МКӨЖ объектілері пайдалануға қабылданды.
 
«Астрахань-Маңғышлақ» магистральдық суағызғысын қайта құру және кеңейту

«ҚазТрансОйл» АҚ «Магистральдық Суағызғысы» ЖШС-мен бірлесіп «Астрахань-Маңғышлақ» магистральдық су құбырын реконструкциялау және кеңейту» инвестициялық жобасын іске асыру бойынша жұмыстарды жүзеге асыруды жалғастыруда. Суағызғы Атырау облысының 3 ауданын, Маңғыстау облысының 4 ауданын және Жаңаөзен қаласының кәсіпорындары мен жарты миллионнан астам халқын (>511 мың адам) сумен жабдықтап отыр.

Жоба «Астрахань-Маңғышлақ» магистральдық суағызғысының өткізу қабілетін ұлғайтуды және Қазақстан Республикасының Атырау және Маңғыстау облыстарындағы су тұтыну көлемінің қазіргі тапшылығы мен перспективалық өсуін қанағаттандыру үшін тозған жабдықты жаңартуды көздейді. Қазіргі уақытта жобаның жобалық-сметалық құжаттарын әзірлеу аяқталды.
Серiктестер