«ҚазТрансОйл» АҚ 2025 жылға дейінгі даму стратегиясы

«ҚазТрансОйл» АҚ-тың миссиясы компания акционерлері үшін барынша көп пайда алу және магистральдық мұнай құбыры арқылы мұнай тасымалдау саласында мемлекеттің стратегиялық мүдделерін сақтау болып табылады.
 
2028 жылға қарай пайымдау «ҚазТрансОйл» АҚ-ты тұрақты дамыған, өндірістік қызмет қауіпсіздігі сақталған, қоршаған ортаны қорғау, өндірістік активтерді басқару саласындағы ең үздік практикаға сәйкес келетін әртараптандырылған құбыр жүйесі бар бәсекеге қабілетті компания ретінде айқындайды.
 
«ҚазТрансОйл» АҚ-тың негізгі стратегиялық мақсаттары
  • «ҚазТрансОйл» АҚ қызметінің тиімділігін қамтамасыз ету («ҚазТрансОйл» АҚ негізгі күш-жігері мұнай құбырлары жүйесінің сенімділігін қамтамасыз етуге және қызметтің тиімділігі мен кірісін арттыруға бағытталады);
  • ЕББҰ-ны тиімді басқару («ҚазТрансОйл» АҚ өндірістік қуаттарды тиімді пайдаланып, олардың қаржылық жағдайын көтеретін айналымды қамтамасыз ету үшін ЕББҰ-ны басқарудың тиімді моделін құруға ұмтылатын болады);
  • Корпоративтік басқару және тұрақты даму жүйесін жетілдіру (тиімді корпоративтік басқару, еңбекті және қоршаған ортаны қорғаудың жоғары стандарттары, нөлдік жарақаттануға қол жеткізу, қоршаған ортаға тигізетін теріс әсерді азайту, персоналды тиімді басқару).
Корпоративтік құндылықтар:
  1. Қауіпсіздік.
  2. Еңбекқорлық пен кәсібилік.
  3. Тиімділік.
  4. Сапа.
  5. Ашықтық.
Корпоративтік құндылықтар «ҚазТрансОйл» АҚ қызметінің барлық салаларында байқалады және жұмыскерлердің өзара қарым-қатынасын ұйымдастыруда, бизнес-үдерістерді құруда, стратегиялық жоспарлау мен шешімдер қабылдауда үлкен рөл атқарады.
 
«ҚазТрансОйл» АҚ-тың стратегиялық даму бағыттары
 
«ҚазТрансОйл» АҚ-тың үздік өндірістік және қаржылық көрсеткіштерін қамтамасыз ететін мақсаттар мен міндеттерді іске асыруға және мұнайды қауіпсіз әрі үздіксіз тасымалдауға бағытталған.