Сапа менеджмент жүйесі

«ҚазТрансОйл» АҚ (бұдан әрі – Қоғам) ISO 9001:2015 халықаралық стандартының жаңа нұсқасы талаптарына сәйкестікке мерзімінен бұрын өткен Қазақстанның ірі компаниялары алғашқыларының бірі, бұл қызметтің әрдайым жоғары сапасы, барлық мүдделі тараппен тұрақты өзара қатынасты нығайту, өсу және даму үшін орнықты негізді қамтамасыз ету арқылы Қоғамның клиенттер сұранымдарына жақсырақ жауап беру мүмкіндігі бар екендігін көрсетеді.

Сапа менеджменті жүйесін қолдану Қоғамның қызмет нәтижелерін жақсартуға және тұрақты дамуға бағытталған бастамалары үшін берік негізді қамтамасыз етуге көмектесетін стратегиялық шешімі болады.

Стандарт талаптарына сәйкес Қоғамда «Жоспарла – Жаса – Тексер – Әрекет ет» (PDCA) айналымын және тәуекел-бағыттау танымын қамтитын үдерістік көзқарас енгізілуде.

PDCA айналымын іске асыру үдерістерді қажетті ресурстармен қамтамасыз етуге, олардың менеджментін жүзеге асыруға, жақсартуға арналған мүмкіндіктерді айқындауға және жүзеге асыруға мүмкіндік берсе, үдерістік көзқарас үдерістер мен олардың өзара әрекетін жоспарлауға мүмкіндік береді.

Тәуекел-бағыттау танымы Қоғамға үдерістердің жоспарланған нәтижелерінен және сапа менеджменті жүйесінен ауытқуға әкеліп соқтыруы мүмкін факторларды айқындауға, сондай-ақ теріс зардаптарды мейлінше азайту және туындаған мүмкіндіктерді мейлінше пайдалану үшін басқарудың алдын алу құралдарын пайдалануға мүмкіндік береді.
«ҚазТрансОйл» АҚ сапа саласындағы саясаты (Жүктеу | Жаңа терезеде қарау)
docx    175.63Кб    29.08.2020    16