Директорлар кеңесі

Данияр Берлібаев
Директорлар кеңесінің төрағасы, «ҚазМұнайГаз» ҰК АҚ өкілі
Ағымдағы сайланған күні: 2019 жылғы 28 қаңтар.

Азаматтығы: Қазақстан Республикасы.

Туған күні: 21 желтоқсан 1968 жыл.

Білімі: Әл-Фараби атындағы Қазақ мемлекеттік университетін құқықтану мамандығы бойынша бітіріп, заңгер біліктілігін алған.

Жұмыс тәжірибесі:
  • Еңбек тәжірибесін 1991-1994 жылдары бастаған, ҚазКСР Ғылымдар академиясында кіші ғылыми қызметкер, заң жөнінде кеңес беруші болып жұмыс жасаған, содан кейін «Барикон» кәсіпорнының заң бөлімінің бастығы болған.
  • 1994 жылдан бастап Шетел инвестициялары бойынша ұлттық агенттік жобаларын бағалау басқармасында бас маман лауазымын атқарған, сонан кейін Қазақстан Республикасы Экономика министрлігі жанындағы шетел инвестициялары бойынша ұлттық агенттіктің шетел инвестициялары басқармасы бастығының орынбасары мансабына ауыстырылған.
  • 1995 жылы заң департаментінің құқықтық сараптама басқармасының бастығы болып, сонан кейін ҚР Мемлекеттік экспорттық-импорттық банк заң департаменті директорының орынбасары болып жұмыс жасаған («Эксимбанк»).
  • 1997 жылдан бастап қазіргі уақытқа дейін Д. Берлібаев «ҚазМұнайГаз» компаниялары тобында жұмыс жасайды.
  • 1997 жылдан бастап 2000 жылға дейін инвестициялық жобалар департаменті бастығы, корпоративтік қаржыландыру департаментінің бастығы, қаржы бойынша атқарушы директоры, «ҚазТрансОйл» ҰМТК» экономика және қаржы бойынша кеңесші болған.
  • 2000 жылдан бастап «ҚазТрансГаз» ЖАҚ-қа вице-президент лауазымына ауыстырылған, сонан кейін экономика және қаржы бойынша бас директордың орынбасары, КТГ бірінші вице-президенті - «Интергаз Орталық Азия» ЖАҚ бас директорының орынбасары болып жұмыс жасаған.
  • 2001 жылы «Мұнай және газ тасымалдау ҰК» ЖАҚ бас директорының бірінші орынбасары болған. 2002 жылы «ҚазТрансГаз» ЖАҚ бас директорының бірінші орынбасары, ал 2002 жылы - «ҚазМұнайГаз» ҰК» ЖАҚ корпоративтік басқару бойынша басқарушы директор лауазымына тағайындалған.
  • 2002 жылдан бастап 2004 жылға дейін - «ҚазТрансГаз» ЖАҚ корпоративтік даму бойынша бас директордың орынбасары, «ҚазМұнайГаз» ҰК» ЖАҚ қаржы және экономика бойынша басқарушы директор, «Қазмортрансфлот» ҰТКК» ЖАҚ бас директоры болған.
  • 2005 жылдан бастап 2007 жылға дейін - «ҚазТрансГаз» АҚ бас директорының бірінші орынбасары- «Интергаз Орталық Азия» АҚ бас директоры болған.
  • 2007 жылдан бастап 2009 жылға дейін «ҚазМұнайГаз» ҰК АҚ тасымалдау және қайта өңдеу бойынша вице-президент лауазымын атқарған.
  • 2009 жылы газ жобалары басқарушы директоры қызметінде жұмыс жасаған, сонан кейін «ҚазМұнайГаз – қайта өңдеу және маркетинг» АҚ бас директоры болып тағайындалған.
  • 2011 жылы «ҚазТрансГаз» АҚ-ты басқарған, кейін «ҚазМұнайГаз«ҰК» АҚ газ жобалары бойынша басқарушы директор болып тағайындалған.
  • 2012 жылы «ҚазМұнайГаз» ҰК» АҚ Басқарма төрағасының бірінші орынбасары болып тағайындалған. 2015 жылдан бастап ұлттық компанияның Корпоративтік орталығы бойынша Басқарма төрағасының орынбасары қызметінде жұмыс жасады және стратегиялық даму, халықаралық ынтымақтастық және мемлекеттік органдармен өзара әрекеттесу мәселелеріне жауап берді.
  • 2016 жылдың тамызынан бастап «ҚазМұнайГаз» ҰҚ» АҚ маркетинг, өңдеу және тасымалдау жөніндегі атқарушы вице-президент болды.
  • 2017 жылғы 13 қарашадан бастап «ҚазМұнайГаз» ҰК АҚ Басқармасы төрағасының кеңесшісі болды.
  • 2019 жылғы 7 ақпаннан бастап «ҚазМұнайГаз» ҰК АҚ Басқармасы төрағасының мұнай тасымалдау, халықаралық жобалар және «Сарыарқа» газ құбырын салу бойынша орынбасары болып тағайындалды.
Марапаттары: «Құрмет», «Парасат» ордендерімен, Қазақстан Тәуелсіздігінің 10-жылдығына орай, «Қазақстанның құбыр желісі тасымалына 70 жыл» мерейтойлық медальдарымен, «Мұнай және газ тасымалы ҰК» ЖАҚ, «ҚазМұнайГаз» ҰК АҚ, ҚР ЭМРМ құрмет мақтау қағаздарымен марапатталған.
 
Қосымша жұмыс істеу және Директорлар кеңестердегі мүшелік: KMG International N.V. директорлар кеңесінің төрағасы, «АстанаГаз КМГ» АҚ директорлар кеңесінің төрағасы, «КТК-Р» АҚ директорлар кеңесінің төрағасы болып табылады.

Компания акцияларын иемденуі: «ҚазТрансОйл» АҚ акцияларын 9 655 дана көлемінде иемденіп отыр.

Компанияның жеткізушілері мен бәсекелестрдің акцияларын иемденуі: Жоқ.