Шымкент мұнай құбыры басқармасына 40 жыл

20.09.2023 618

Шымкент мұнай құбыры басқармасының құрылғанына 40 жыл толуына орай, «ҚазТрансОйл» АҚ қызметкерлерінің кәсіптік одағы» қоғамдық бірлестігінің ұйымдастыруымен салтанатты іс-шара болып өтті. Мерейтойға мұнай тасымалдау саласында көп жыл еңбек етіп, құрметті демалысқа шыққан зейнеткерлер арнайы шақырылды.
Шараның ашылу салтанатында сөз алған басқарма бастығы Асқар Кәрібаев жиылғандарды мұнай-газ кешені қызметкерлерінің кәсіби мерекесімен және басқарманың мерейтойымен құттықтады. Сонымен қатар, барлық өндіріс ардагерлерін магистральдық құбыр көлігін дамытуға қосқан елеулі үлестері үшін «Шымкент мұнай құбыры басқармасына 40 жыл» мерейтойлық медалімен марапаттап шықты.
Басқарманың дамуына кешегі зейнеткер ардагерлер мен оның ізбасарлары көп үлесін қосты. Өткенге көз жүгіртсек, 1975 жылы Павлодар-Шымкент мұнай құбырының құрылысы басталып, 1981 жылы аяқталады. Сол жылы «Шолаққорған» БМАС құрылысы басталып, 1983 жылы аяқталады.

Бүгінде сонау алғашқы мұнай магистралына түрен салған жандардың қанша маңдай тері мен күш-жігерінің арқасында 1983 жылы 14 наурызда Шымкент мұнай өңдеу зауытына алғашқы мұнай келді. Ал ақпан айында КСРО Мұнай өнеркәсібі министрлігі Бас Транснефть Транссібір магистральдық мұнай құбырларын басқару құрамында Шымкент аудандық мұнай құбыры басқармасы құрылады. Осылайша басқарма 40 жыл ішінде ұлттық мұнай тасымалдау операторының бір бөлшегіне айналды.

Салтанатты жиын барысында еңбек ардагерлері Шымкент мұнай құбыры басқармасының тарихынан сыр шертіп, естеліктерімен бөлісті.
Кеш соңында құрметті қонақтарға арналған концерттік бағдарлама ұсынылды.

Санаттар: Компания өмірі

Реакция:

08.05.2025

2025 жылғы 1 маусымнан бастап қолданысқа енгізіле отырып, бірыңғай маршруттау жөніндегі операторлық қызмет бойынша «ҚазТрансОйл» акционерлік қоғамының Қазақстан Республикасының магистральдық құбырлары арқылы ішкі нарық үшін қазақстандық мұнайды тасымалдау жөніндегі қызметі бойынша тарифті және тарифтік сметаны оңайлатылған тәртіппен бекіту туралы

08.05.2025

Мәншүк Мәметовамен бірге Смоленск қаласын азат етуге қатысқан жауынгер

06.05.2025

Ұлы Жеңісті жақындатқан ұстаз

06.05.2025

«ҚазТрансОйл» АҚ резервуарларды диагностикалауда озық технологияларды қолдануда

05.05.2025

«ҚазТрансОйл» АҚ қызметкерлері IIІ Charity Samruk Marathon кайырымдылык шарасына қатысты

05.05.2025

Өндірістік нысандардағы қауіпсіздікті қамтамасыз етуге қосқан үлесі үшін үздік қызметкерлер марапатталды