Маңғыстау мұнай құбыры басқармасының жас мамандары мен аппарат басқармасының қызметкерлері көмек қолын созды. Басқарманың зейнеткері – Нина Калачева денсаулығына байланысты өздігінен қозғала алмайтын. Мүгедектерге арналған арбаға көптен мұқтаж еді. Анасына қарап жүрген қызы да «ҚазТрансОйл» жүйесінде жұмыс жасаған, алайда денсаулығы сыр бере бастаған соң, 2 жыл бұрын жұмыстан шығып кеткен. Қазір 2 топтағы мүгедек.
Осындай қиын жағдайын түсініп, жас мамандар мен АБ қызметкерлері ақша жинап, 128 мың теңгеге мүгедектер арбасын сатып алып берді.