Бүгін Астанада Қазақстан Республикасының Энергетика министрлігінің вице-министрі Әсет Мағауов «ҚазТрансОйл» АҚ бірқатар қызметкерін Құрмет грамотасымен марапаттады. Әріптестерімізге табыс етілген марапат - мұнай-газ, мұнай өңдеу және мұнай-газ-химия өнеркәсібіндегі салалық біліктілік шеңберлері мен кәсіби стандарттарды әзірлеуге белсенді қатысқаны үшін берілді. Марапат иегерлерінің қатарында:
-
Нұргүл Мұнбаева, «ҚазТрансОйл» адам ресурстарын басқару департаменті директорының орынбасары
-
Айжан Мұратқызы, «ҚазТрансОйл» АҚ адам ресурстарын басқару департаментінің еңбек және еңбекақы ұйымдастыру бөлімінің басшысы
-
Владимир Кондратьев, «ҚазТрансОйл» АҚ бас диспетчерлік орталық басшысының орынбасары
-
Асқар Нұғаметов, «ҚазТрансОйл» АҚ тасымалдау департаменті директорының орынбасары
-
Бауыржан Ізтулеуов, «ҚазТрансОйл» АҚ пайдалану департаментінің магистралды құбырларды пайдалану бөлімінің бас инженері
-
Ербол Азиев, «ҚазТрансОйл» АҚ Жезқазған мұнай құбыры басқармасының тауар-көлік қызметінің басшысы.
Жиында мұнай-газ, мұнай өңдеу және мұнай-газ-химия өнеркәсібіндегі салалық біліктілік шеңберлері мен кәсіби стандарттарды әзірлеу бойынша құрылған жұмыс тобының өзге де мүшелері марапатталды. Салтанатты рәсімнен кейін аталмыш топ өкілдері «Мұнай-газ барлау өндіру», «Мұнай-газ тасымалы мен сақталуы», «Мұнай-газ қайта өңдеу және сату» тақырыптары бойынша тармақталған топтарға бөлініп жұмыстарын жалғастырды.
