Қазақстан мұнайының 125 жылдық мерейтойына орай Шымкент мұнай құбыры басқармасында мұнай-газ кешені қызметкерлерінің кәсіби мерекесі атап өтілді. Салтанатты іс-шараға басқарма ұжымы мен мұнай тасымалдау саласында еңбек еткен зейнеткерлер де арнайы шақырылды.
Шараның ашылуында сөз алған басқарма бастығы Сабит Рзиев жиналған қауымды мерекемен құттықтап, мұнайдың шығу тарихын қысқаша айта келе, іс-шараға жиналған бір топ қызметкерлер мен зейнеткерлерді марапаттап шықты.
Айта кетейік, ҚР Энергетика министрлігінің Алғыс хатымен «Шымкент» ҚТП химиялық талдау зертханашысы Ерлан Құрманбаев, KAZENERGY 125-жыл мерейтойлық төсбелгісімен ТАҚП желілік құбыршысы Бақтияр Мұратов, «Самұрық-Қазына» АҚ Құрмет грамотасымен ТАҚП автобағанның мамандандырылған және арнайы а/м жүргізушісі Тұрысбек Қорабаев, «ҚазМұнайГаз» ҰК АҚ Құрмет грамотасымен АТжТКЦ автобус жүргізушісі Режеп Бижанов марапатталды.
«ҚазТрансОйл» АҚ Құрмет грамотасымен «Шолаққорған» БМАС АҚП желілік құбыршысы Нұрлан Асқаров, ТАҚП автобағанның трактор жүргізушісі Мұрат Ермеков, «Шағыр» МҚП тауар операторы Данияр Төлендиев, ТАҚП автобағанның жүк жолаушылар көлігінің жүргізушісі Бахытбек Әбдешев марапатталды.
«ҚазТрансОйл» АҚ Бас директорының Алғыс хатымен «Шолаққорған» БМАС АҚП желілік құбыршысы Рауан Нажимов, ТАҚП арнайы мамандандырылған автомобиль жүргізушісі Сұңғат Умаров, ШМҚБ бастығының өндіріс жөніндегі орынбасары Ержан Намаев, магистралдық құбырларды пайдалану қызметінің бастығы Еркін Абдуллаев марапатталды.
Айта кетейік, ҚР Энергетика министрлігінің «Қазақстан мұнайына 125 жыл» мерейтойлық медалімен 37 зейнеткер, 43 жұмысшы марапатталды.
Салтанатты жиыннан соң ардагерлер мен ұжым қызметкерлері естелік суретке түсті.
