2024 жылғы 1 қарашадан бастап «ҚазТрансОйл» АҚ Директорлар кеңесінің шешімімен Ақберген Серік Ишанбекұлы «ҚазТрансОйл» АҚ омбудсмені болып тағайындалды.
«ҚазТрансОйл» АҚ омбудсменінің негізгі міндеттерінің бірі еңбек дауларын, жанжалдарды, әлеуметтік-еңбек сипаттағы проблемалық мәселелерді шешуге, сондай-ақ «ҚазТрансОйл» АҚ қызметкерлерінің корпоративтік (іскерлік) этика қағидаттарын сақтауға көмек көрсету болып табылады.
Серік Ишанбекұлының мұнай-газ саласында 27 жыл, «ҚазТрансОйл» АҚ жүйесінде 16 жыл еңбек өтілі бар. Әр кезеңдерде «ҚазТрансОйл» АҚ адам ресурстарын басқару және еңбекақы төлеу департаментінің директоры, «Бас ақпараттық-есептеу орталығы» филиалы директорының орынбасары, директоры, Магистральдық су құбыры басқармасының директоры, Батыс филиалының директордың орынбасары, директоры, Маңғыстау мұнай құбыры басқармасы бастығының орынбасары, омбудсмен, Қарағанды мұнай құбыры басқармасы бастығының орынбасары қызметтерін атқарды.
