«ҚазТрансОйл» АҚ кадр саясатын жетілдіру – Қоғамның тұрақты дамуының маңызды ықпалдарының бірі ретінде қаралады.
Қоғамның кадр саясатының қағидаттары жұмыскерлерді лайықты еңбекақы деңгейімен қамтамасыз ету және әлеуметтік қолдау жүйесін құру, кәсіби даму және мансаптық өсу мүмкіндігі, жұмыскерлерді ынталандырудың тиімді жүйесін құру және іске асыру, жұмыскерлердің қанағаттану деңгейін арттыру.
Қоғамның кадр саясаты әділдік, құрмет ету, тең мүмкіндіктер, сабақтастық қағидаттары мен үздік әлемдік тәжірибеге және HR-технологияларына сүйеніп, басшы мен қызметкердің үздіксіз диалогына негізделген.
Адам ресурстарын басқару саласында Қоғам ұйымдық құрылымды жетілдіру, еңбек тиімділігін басқару, жастар саясатын іске асыру, сабақтастықты жоспарлау, корпоративтік мәдениетті қалыптастыру және дамыту бағыттарында жұмыс істейді.
«ҚазТрансОйл» АҚ Қазақстан Республикасы аумағындағы ірі жұмыс берушілер қатарына кіреді. Бұл ретте сапалы жұмыскерлерді таңдауға, олардың кәсіби деңгейін әрі қарай жоғарылатуға, сондай-ақ жас мамандарды қолдауға үлкен зейін қояды. SAMRUK RESEARCH SERVICES 2023 деректері негізінде 2023 жылы «ҚазТрансОйл» АҚ-қа персоналды тарту индексі 87% болып табылады.
