Мәскеу қаласына жұмыс сапары аясында «ҚазТрансОйл» АҚ Бас директоры Арман Қасенов «Транснефть» ЖАҚ президенті Николай Токаревпен кездесу өткізді.
Қазақстан тарапынан кездесуге «ҚазТрансОйл» АҚ Бас директорының тасымалдау жөніндегі орынбасары Э.Б. Сағиев және Мәскеудегі өкілдіктің директоры А.С. Арыстанбаев, Ресей тарапынан - Вице - президент С. А. Андронов және Каспий құбыр консорциумының (КҚК) бас директоры Н. Н. Горбан қатысты.
Тараптар энергия ресурстарын тасымалдау саласындағы ағымдағы өзара іс-қимыл мәселелерін, оның ішінде КҚК шеңберіндегі ынтымақтастықтың жай-күйі мен перспективаларын, сондай-ақ қарым-қатынастарды одан әрі дамыту перспективаларын талқылады.
Сонымен қатар кездесуде ғылыми-техникалық өзара іс-қимыл және технологиялық кооперацияны дамыту мәселелері де қаралды.
