Нақты деректерге қарағанда, «ҚазТрансОйл» АҚ компаниялар тобы бойынша шоғырландырылған мұнай және мұнай өнімдерін тасымалдау мен айдаудың көлемі 46 млн. 32 мың тоннаны құрады, бұл 2013 жылдың 9 айындағы ұқсас нәтижесінен 7% төмен.
Шоғырландырылған мұнай айналымы 33 млрд. 81 млн. тонна-километрді құрады, бұл 2013 жылдың 9 айындағы ұқсас көрсеткішінен 3% төмен.
Есеп беру кезеңі бойынша «ҚазТрансОйл» АҚ Қазақстанның Атырау және Маңғыстау облыстарының тұтынушыларына Астрахань – Маңғыстау суағызғысы арқылы су беру көлемі 19 млн. 123 мың текше метр болды, бұл 2013 жылдың 9 айындағы ұқсас көрсеткішінен 7% жоғары.
Есеп беру кезеңі бойынша негізгі қызметтен түскен шоғырландырылған табыс 146 млрд. 714 млн. теңгені құрады, бұл 2013 жылғы осындай кезең көрсеткішінен 3,7% жоғары. Бұл орайда жеке «ҚазТрансОйл» бойынша табыс 132 млрд. 546 млн. теңгені құрады, бұл 2013 жылдың 9 айының қорытындылары бойынша нәтижеден 5,3%-ға жоғары.
Шоғырландырылған таза пайда 37 млрд. 271 млн. теңгені құрады, бұл 2013 жылғы осындай кезең көрсеткішінен 25,6% төмен. Бұл орайда жеке «ҚазТрансОйл» бойынша таза пайда 50 млрд. 104 млн. теңгені құрады, бұл 2013 жылдың 9 айының қорытындылары бойынша нәтижеден 21%-ға жоғары.
«ҚазТрансОйл» АҚ дивидендтерді санаған кезде Қоғамның шоғырландырылған немесе жеке таза пайданың ең үлкен мөлшері қолданылатыны жайында ескертеді («ҚазТрансОйл» АҚ дивидендтік саясаты).
Анықтама:
«ҚазТрансОйл» АҚ - «ҚазМунайГаз» АҚ ҰК еншілес компаниясы, Қазақстан Республикасының магистралдық мұнай құбыры жөніндегі ұлттық операторы. Компания ұзындығы 5,5 мың км. Магистралдық мұнай құбырлары мен ұзындығы 2,1 мың су құбыры желілерін бақылап отыр, 8 мыңнан астам адамдарды жұмыспен қамтамасыз етіп отыр.
«ҚазТрансОйл» АҚ баспасөз қызметі
