Қазақстан мұнайының 125 жылдығына және Қазақстан Республикасы мұнай-газ кешені қызметкерлері күніне орай «ҚазТрансОйл» АҚ орталық аппаратында компания қызметкерлерін салтанатты марапаттау рәсімі өтті.
Жиында «ҚазТрансОйл» АҚ бас директоры (Басқарма төрағасы) Арман Қасенов қол жеткізген табыстары үшін ұжымға алғысын білдіріп, қызметкерлерге марапаттар, құрмет грамоталары мен алғыс хаттарын табыс етті.
Қазынашылық басқармасы бастығының орынбасары Аралбай Төлепбаев Қазақстан Республикасы Энергетика министрлігінің Құрмет грамотасымен марапатталды. «Мұнай тасымалдауды басқару орталығы» филиалы бас диспетчерлік басқармасының диспетчері Қанат Ешбаев Қазақстан Республикасы Энергетика министрлігінің Алғыс хатына ие болды.
«ҚазТрансОйл» АҚ жобаларды басқару департаментінің жобаларды сараптау бөлімінің басшысы Еркін Шахшаев «Самұрық-Қазына» АҚ Құрмет грамотасымен марапатталды. Сондай-ақ «ҚазМұнайГаз» ҰК АҚ Құрмет грамотасымен ТПАБЖжМҚ басқармасы бастығының орынбасары Болат Баядилов, пайдалану департаменті энергетикалық жабдықтар бөлімінің жетекші инженері Сабырбек Данияров, адам ресурстарын басқару департаменті әлеуметтік қолдау секторының бас маманы Гүлнар Құндыбаева және «Мұнай тасымалдау басқармасы орталығы» филиалы бас диспетчерлік басқармасының диспетчері Бейбіт Сәдуақасов марапатталды.
«ҚазМұнайГаз» ҰК АҚ естелік төсбелгісі операторлық қызметтер көрсету департаментінің мұнай құбырлары мен су құбырларын пайдалану секторының инженері Алжирбек Сайлау-ұлы мен бас диспетчерлік басқармасының бас диспетчері Бибігүл Нұрсұлтановаға табыс етілді.
Сондай-ақ бас директордың құрмет грамоталары мен алғыс хаттары «ҚазТрансОйл» АҚ орталық аппаратының бірқатар қызметкерлеріне марапатталды.
Әріптестерімізді құттықтап, алдағы уақытта да табыс тілейміз!
