Жаңа оқу жылы қарсаңында «ҚазТрансОйл» АҚ еңбек ұжымдары республикалық «Мектепке жол» акциясына қатысып, көп жылдан бері жалғасып келе жатқан игі дәстүрді қолдады. Әр өңірдің мұнай құбыршылары 70 балаға мектепке қажетті киім-кешек пен оқу құралдарын табыстап, көмек көрсетті.
Атырау мұнай құбыры басқармасы
«Орал» желілік өндірістік-диспетчерлік станциясының ұжымы бастауыш кәсіподақ ұйымының қолдауымен Батыс Қазақстан облысы, Бәйтерек ауданы, Көшім арнайы балалар интернатына көмек көрсетті. Интернатқа спорттық костюмдер, дамытушы ойыншықтар (конструкторлар, модульдік кілемшелер, пирамидалар, доптар, дамытушы әліпбилер), сондай-ақ жемістер мен тәттілер берілді. Интернат басшылығы мұнайқұбыршыларға назар аударып, көрсеткен қамқорлығы үшін шын жүректен алғыс айтты
Шымкент мұнай құбыры басқармасы
Жас мамандар кеңесі әлеуметтік жағдайы төмен отбасылардан шыққан бес отбасының алты баласына мектепке қажетті киім-кешек пен оқу құралдарын сыйға тартты. Балалар ата-аналарымен бірге дүкенге барып, өздері қалаған заттарын таңдады. Сонымен қатар, басқармаға қарасты «Созақ» және «Жуантөбе» МАС, «Шолаққорған» БМАС қызметкерлері көпбалалы отбасылардан шыққан сегіз баланы қажетті құрал-жабдықтармен қамтамасыз етті.
Батыс операторлық қызметтер көрсету басқармасы
Ұжым кәсіподақ ұйымының қолдауымен бастауыш сыныптағы 45 оқушыға оқу құралдары салынған алғашқы мектеп сөмкелері табыс етілді. Қызметкерлер балаларға білім жолында табыс тілеп, мерекелік көңіл-күй сыйлады.
Бұл қамқорлық белгілері балалардың, ата-аналардың және тәрбиешілердің тарапынан үлкен қуанышпен қабылданып, әлемде қуаныш сыйлауға әрі әлеуметтік жауапкершілікті нақты іспен дәлелдеуге дайын жанашыр жандар көп екенін көрсетті! «ҚазТрансОйл» АҚ үшін өскелең ұрпаққа қамқорлық жасау – көп жылдан бері жалғасып келе жатқан дәстүр, ол алдағы уақытта да өз жалғасын табады.
