2025 жылғы 29 тамызда «ҚазТрансОйл» АҚ бас директорының экономика және қаржы жөніндегі орынбасары Әміржан Оспанов пен корпоративтік басқару жөніндегі басқарушы директор Алмас Оңғарсынов инвесторлармен, бағалы қағаздар нарығының қатысушыларымен және БАҚ өкілдерімен онлайн кездесу өткізді. Жиын Қазақстан қор биржасының (KASE) алаңында Эмитент күні аясында өтті және компанияның 2025 жылдың бірінші жартыжылдығындағы қызметінің нәтижелеріне арналды.
Жиында компанияның өндірістік-қаржылық көрсеткіштері туралы негізгі деректер, күрделі салымдар мен тарифтер туралы ақпарат ұсынылды.
«ҚазТрансОйл» АҚ жыл сайын Эмитент күніне қатысады, бұл компанияның инвесторлармен, нарықтың кәсіби қатысушыларымен және бұқаралық ақпарат құралдарымен ашық диалогты қолдау стратегиясының маңызды бөлігі болып табылады. Мұндай іс-шаралар компанияның корпоративтік басқарудың жоғары стандарттарына адалдығын көрсетеді.
