Ағымдағы жылдың 27 қарашасында «ҚазТрансОйл» АҚ бас директоры Димаш Досанов бастаған делегация Бейжіңде Мэн Фаньчун бастаған қытайлық компания қатысушылары өкілдерімен кездесті. Кездесу барысында тараптар «Кеңкияқ-Атырау» мұнай құбыры реверсінің алғашқы кезеңін жүзеге асыру барысында туындаған мәселелерді талқылады. Атап өту керек, бұл жобаны толықтай іске қосу 2019 жылға жоспарланып отыр.
Өздеріңізге белгілі, өнімділікті 6 млн тоннаға дейін ұлғайтатын «Кеңқияқ-Атырау» мұнай құбыры реверсі жобасы, Қазақстан-Қытай мұнай құбырындағы өткізу мүмкіндігін көбейтуге арналған жобаның жалғасы. «Кеңкияқ-Атырау» мұнай құбыры реверсі іске қосылған уақытта батыс Қазақстан облыстарындағы мұнай кен орындарынан мұнайды ҚХР экспорпттауға мүмкіндік туады.
«ҚазТрансОйл» АҚ жұртшылықпен байланыс
және ішкі коммуникациялар департаменті
