Шығыс операторлық қызметтер көрсету басқармасында бастапқы кәсіподақ ұйымының қолдауы және «Жас мамандар кеңесінің» бастамасымен кітап оқуды кеңінен дәріптеу мақсатында «Кітап алмасу бұрышы» ашылды. Аталмыш бұрыш «Шетел әдебиеті», «Классикалық әдебиет», «Өзін-өзі дамыту», «Психология», «Хобби, бос уақыт» және «Роман» деген бөлімдерден тұрады. Жалпы жинақталған кітаптар терең мағыналығымен ерекшеленеді.
-«Кітап алмасу бұрышы» ШОҚБ қызметкерлерінің арасында өзара кітап алмаса отырып рухани тұрғыда жан-жақты дамуларына үлкен септігін тигізеді және ұмытылмастай әсер қалдырады. Осыған байланысты алдағы уақытта кітап қорын толықтыратын боламыз, – дейді «Жас мамандар кеңесінің» төрағасы, БЭҚ электр энергиясын есептеу жөніндегі инженері Ернар Хасенов.