Шымкент мұнай құбыры басқармасында «Үздік маман» сайысының І туры басталды. Мұнайқұбыршылар байқауда 8 мамандық бойынша өзара сайысқа түседі. Атап айтқанда:
- тауар операторы;
- желілік құбыржүргізушісі;
- электр газбендәнекерлеуші;
- химиялық талдау зертханашысы;
- технологиялық жабдықтарды жөндеу бойынша слесарі (технологиялық қондырғы);
- бақылау-өлшеу аспаптары және автоматика бойынша слесарі;
- электр жабдықтарды жөндеу және қызмет көрсету бойынша монтері;
- мұнай айдау станциясының операторы.
«Үздік маман» атануға басқармаға қарасты бөлімшелерден 26 үміткер қатысып, бағын сынауда.
Байқаудың алғашқы аптасында технологиялық жабдықтарды жөндеу бойынша слесарлері (технологиялық қондырғы), бақылау-өлшеу аспаптары және автоматика бойынша слесарлері мен электр жабдықтарды жөндеу және қызмет көрсету бойынша монтерлері сайысқа түсті.
Байқауға қатысып жатқан бақылау-өлшеу аспаптары және автоматика бойынша слесарі Айшуақ Сапарбай мұндай байқаулардың жұмысшылардың кәсіби біліктілігін арттыра түсетініне сенімді.
«Аталған байқауға қатысу себебім, мұның алдын 2019 жылы да қатысып, ол кезде 2 орын алған болатынмын. Биыл да біліктілігімді ұштау үшін байқауға қатысып, бағымды сынағым келеді. Өзге әріптестеріме сәттілік тілеймін, осындай байқаулар бола берсін», - деді А.Сапарбай.
Қатысушылар өз мамандықтары бойынша практикалық тапсырмаларды орындаудан және теориялық білімін тексеруден өткізді. Қатысушыларды арнайы құрылған қазылар сарапқа салады.
ШМҚБ-дағы байқау мұнымен әлі біткен жоқ, алдағы апталарда «Шымкент» БМАС пен «Шымкент» ҚТП-да тауар операторлары, желілік құбыржүргізушілері мен электр газбендәнекерлеуші, химиялық талдау зертханашысы, мұнай айдау станциясының операторлары бақ сынайтын болады.
Байқаудың толық қорытындысын алдағы уақытта компанияның басқа да шығарылымдарынан білетін боласыздар.