KZTO 836,90 (-0,25%)
KASE «ҚазТрансОйл» АҚ акциялары 836,90 (-0,25%)
Brent ()
WTI ()
0
0
0
2019-2022 жылдар аралығында «ҚазТрансОйл» АҚ-да еліміздің 950-ден астам жоғары оқу орындарының студенттері ақылы тәжірибеден өтті. Қазақстан Республикасы Білім және ғылым министрлігі мен «ҚазТрансОйл» АҚ арасында студенттердің кәсіби ақылы практикасын ұйымдастыру шеңберінде.
«Мен ақылы тәжірибе бойынша ішкі іріктеуден өтіп, «ҚазТрансОйл» АҚ-на жолдама алғанымда, болашағыма дұрыс қадам жасап жатқанымды түсіндім. Тәжірибе барысында мен көптеген техникалық дағдыларды үйрендім. Бұған жобаларды басқару, деректерді бақылау, сондай-ақ мұнай тасымалдау мен мұнай құбырына қызмет көрсетумен байланысты күрделі процестерді түсіну кіреді. Болашақта мұнай-газ саласында жұмыс істеп, тәжірибеден алған барлық дағдыларымды пайдалануды жоспарлап отырмын», - дейді Назарбаев Университетінің 3 курс студенті Ашекеев Әлішер.
«Практика маған мұнай-газ логистикасы, тәуекелдерді басқару және салалық бағдарламалық құралдар сияқты салаларда білім берді. Мен бұл секторда тиімді қарым-қатынас пен топтық жұмыстың маңыздылығын түсіндім. Болашақта мұнай-газ секторында жұмыс істеуді жоспарлап отырмын. Тағылымдама тәжірибесі менің осы салаға деген қызығушылығымды тереңдете түсті және ол кәсіби өсу мен жаһандық энергетика секторына үлес қосу үшін кең мүмкіндіктер ұсынады деп санаймын», - деді Назарбаев Университетінің 3 курс студенті Сағандықова Диляра.
«Жобаларды басқару департаментінде практикадан өту кезінде мен еліміздің магистральдық жолдары туралы және жаңа жобалардың қалай әзірленіп жатқаны туралы білдім. Мұнай тасымалдау саласында мені кәсіпқойлар тобында жұмыс істеу, мұнай тасымалдау процестерінің қауіпсіздігін және экологиялық тұрақтылығын арттыру үшін жаңа технологияларды енгізу қызықтырады», - деп Назарбаев Университетінің 3 курс студенті Ермек Әлішер атап өтті.
