Мұнайқұбыршылардың мүддесін қорғап, әлеуметтік қамтамасыз етілуін бақылауда ұстайтын Оңтүстік-шығыс өңірінің «ҚазТрансОйл» АҚ қызметкерлерінің жергілікті кәсіптік одағы» қоғамдық бірлестігі аталмыш ұйымның мүшесі болып табылатын және қызметіне белсенді мамандарға сертификаттар табыс етті. Шымкент, Павлодар, Қарағанды, Жезқазған, Шығыс операторлық қызметтер көрсету басқармалары мен «Петерфельд» ЖӨДС-ның бастапқы кәсіподақ ұйымдарының жетпістен астам мүшесі сыйлықтарға ие болды.
- Бастапқы кәсіподақ ұйымдары өз басқармаларындағы қызметкерлердің мүддесін қорғап қана қоймай, ұжымдық рухты көтеруде белсенділік танытуда. Әлеуметтік шараларға мұрындық болып, оларды жоғары деңгейде ұйымдастырып, тың идеяларымен бөлісіп тұрады. Компания бойынша әртүрлі шаралардың жоғары деңгейде өтуі бірінші кезекте осы мамандарға байланысты, - дейді Оңтүстік-шығыс өңірінің «ҚазТрансОйл» АҚ қызметкерлерінің жергілікті кәсіптік одағы» қоғамдық бірлестігінің қызметкері Армангүл Аманова.
