Атырау мұнай өңдеу зауыты жанындағы «Новатор» корпоративті басылымының 75 жылдығына арналған мұнай компаниялары арасындағы шағын футболдан өткен турнирде Атырау МҚБ құрама командасы 2-ші жүлделі орын иеленді.
«Новатор» корпоративті басылымының 75 жылдығына арналған шағын футбол кубогі біріншілігінде жергілікті мұнай компанияларының 8 командасы бақ сынаған болатын. Атырау МҚБ командасы алдымен өз тобында 2 команданы жеңіп, 2-ші айналымға шықты. 2-ші айналымда KPI командасын ұтып, жартылай финалға жолдама алды. Жартылай финалда «Қайнармұнайгаз» командасымен кездесіп, пенальтиде 5:4 есебімен ұтты. Финалда «Ембімұнайгаз» командасымен ойын өте тартысты өтті. Ақтық финалда Атырау МҚБ командасы Ембілік мұнайшыларға есе жіберіп алды. Дегенмен, турнирде біздің команда шебер ойын көрсетіп, екінші жүлделі орын иеленді. Турнирде шеберлігімен танылған Атырау МҚБ «Орал» ЖӨДС газ қондырғыларын пайдалану және жөндеу жөніндегі слесары Владислав Лазарев «Үздік қақпашы» жүлдесін жеңіп алды.
