Корпоративтік мәдениет ұжымды біріктіретін және оны біртұтас ететін негіз болып табылады. «ҚазТрансОйл» АҚ корпоративтік мәдениеті «ҚазТрансОйл» АҚ-тың Даму стратегиясында көрсетілген еңбек қауіпсіздігі және еңбекті қорғау, командалық рух, тиімділік, кәсіпқойлық, тұрақты даму, өзара көмек және командадағы жұмыс сияқты негізгі құндылықтарына негізделеді.
«ҚазТрансОйл» АҚ-тың корпоративтік мәдениеті ішкі ақпараттық арналар желісін пайдалануды, жұмыскерлер үшін корпоративтік іс-шараларды, басшылықтың Компания жұмыскерлерімен кездесулерін, спорттық іс-шараларды ұйымдастыруды және т.б. қоса алғанда, коммуникация құралдарының кең жиынтығын пайдаланудың арқасында құрылады және дамиды.
Коммуникациялар стратегиялық басқару құралы ретінде екі бағыт бойынша жүзеге асырылады – ақпараттандыру және өзара іс-қимыл. Жұмыскерлер ұжымын ақпараттандыру үшін коммуникацияның бес негізгі арнасы құрылған және тиімді пайдаланылады:
-
Корпоративтік ішкі портал;
-
«ҚазТрансОйл» АҚ мобильді ақпараттық қосымшасы;
-
KTO info бірыңғай ақпараттық тарату;
-
«ҚазТрансОйл» АҚ корпоративтік телеарнасы.
Қазіргі уақытта Компанияның көп жұмыскерлері ақпараттық ағынға тартылған және бастапқы дереккөзден ақпаратты ала алады.
