2023 жылғы 9 наурызда S&P Global Ratings халықаралық рейтингтік агенттігі (бұдан әрі – S&P) өз кезегінде тәуелсіз рейтингтер бойынша болжамды қайта қарауға әкелетін, «ҚазМұнайГаз» ҰК АҚ рейтингі бойынша болжамның өзгеруіне байланысты «ҚазТрансОйл» АҚ (бұдан әрі – Қоғам) рейтингі бойынша болжамды «Жағымсыздан» «Тұрақтыға» жақсартты.
Қоғам рейтингі қажет болған жағдайда компанияның мемлекет тарапынан уақтылы және жеткілікті ерекше қолдау алуының жоғары ықтималдығы жөніндегі S&P пікірін көрсетеді.
S&P топтың несие қабілеттілігін бағалаумен шектелетін, Қоғамның өз несие қабілеттілігін бағалауды «ВВ+» деңгейінде сақтады.