2025 жылғы 28 қарашада S&P Global Ratings халықаралық рейтингтік агенттігі «ҚазТрансОйл» АҚ кредиттік рейтингін «BBB-» деңгейіне көтерді, болжам «Тұрақты».
«ҚазТрансОйл» АҚ рейтингі «ҚазМұнайГаз» ҰК АҚ бас ұйымының рейтингісіне, сондай-ақ Қазақстан Республикасының егеменді рейтингіне («BBB-») сәйкес келеді.
S&P Global Ratings рейтингті арттыру туралы шешім «ҚазТрансОйл» АҚ-ның борыштық жүктемесінің төмендігіне, компанияның тұрақты бос ақша ағынын генерациялау қабілетіне, сондай-ақ «ҚазТрансОйл» АҚ-ның Қазақстан Үкіметі үшін магистральдық мұнай құбырларының ұлттық операторы ретіндегі стратегиялық маңыздылығына байланысты екенін атап өтті.
