«ҚазТрансОйл» АҚ Маңғыстау мұнай құбыры басқармасына (ММҚБ) қарасты «Қаламқас» БМАС және «Қаражанбас» МАС объектілерде суды тазартуға арналған мобильді құрылымдарды орнату жобасын аяқтады. ММҚБ қызметінің сапасын жақсарту бағдарламасы аясында жүзеге асырылған жоба басқарма қызметкерлерін ауыз сумен қамтамасыз етіп, жұмыс жағдайларын жақсартуға бағытталған.
Орнатылған су тазарту қондырғылары Еділ суын Қазақстан Республикасының санитарлық-эпидемиологиялық талаптарына сәйкес ауыз су сапасына дейін тазартуға мүмкіндік береді. Өз кезегінде бұл аталған объектілердегі әлеуметтік инфрақұрылымды жақсартуға ықпал етеді. Қондырғылар сумен қамтамасыз етудің ұзақ мерзімді шешімін тауып, қызметкерлер үшін қолайлы жағдай жасайды.
Бұған дейін «Қаламқас» БМАС және «Қаражанбас» МАС объектілері үшін ауыз су Қияқты ауылындағы сорғы станциясынан жеткізіліп, оның сатып алуына едәуір қаражат жұмсалған болатын.
Жобаны іске асыру нәтижесінде «ҚазТрансОйл» АҚ аталған объектілерге ауыз су жеткізу жұмысын айтарлықтай арзандатып, экологиялық қауіпсіздікті, әлеуметтік жауапкершілікті және өндірістік объектілердің жұмыс тұрақтылығын арттыруға қол жеткізді.
