«ҚазТрансОйл» АҚ Президенттің «Таза Қазақстан» бастамасын қолдап, қоршаған ортаны қорғау мен экологиялық мәдениетті дамытуға зор үлес қосып, экологиялық стратегияны мақсатты түрде жүзеге асырып келеді.
Тек 2025 жылдың бірінші жартыжылдығында компания қызметкерлері 1 256 ағаш отырғызды, ал 2024 жылы 3 069 жасыл желек егілді.
«Таза Қазақстан» акциясы аясында жыл басынан бері «ҚазТрансОйл» АҚ қызметкерлері 56 сенбілік өткізіп, оның барысында 115 тоннадан астам қоқыс шығарып, 175 гектар аумақты тазалады.
Қоршаған ортаны қорғауға бағытталған жүйелі шаралар аумақтардың санитарлық жағдайын жақсартуға, табиғи және қалалық кеңістікті өмір сүру мен демалысқа жайлы әрі қауіпсіз етуге, сондай-ақ корпоративтік рухты нығайтып, ұжымдағы жақсы дәстүрлер мен ортақ құндылықтарды дамытуға ықпал етеді.
