«Таза Қазақстан» республикалық экологиялық акциясы аясында Жезқазған мұнай құбыры басқармасының ұжымы қалалық сенбілікке белсене қатысты.
Басқарма аппаратының 50-ден астам қызметкері Жезқазғандағы Кеңгір су қоймасының жағалауын тазалауға шықты. Қызметкерлер бір тоннадан астам тұрмыстық қалдықтарды жинап, қалалық полигонға шығарды.
Мұндай іс-шараларға қатысу – мұнайқұбыршылардың санитарлық жағдайды жақсартуға, экологиялық ахуалды оңалтуға және қоршаған ортаға ұқыпты қарауды қалыптастыруға қосқан үлесі болмақ.
