Заманауи бір қабатты жертөлесі бар ғимарат, станция қызметкерлері үшін арнайы салынған. Қазір онда 73 адам еңбек етеді, оның 44-і вахталық әдіспен жұмыс істейді.
Корпус заманауи стандарт пен құрылыс нормаларын, санитарлық-гигиеналық талаптарды және өрт қауіпсіздігі ережелерін қатаң сақтауды ескере отырып жобаланған. Жаңа ғимаратта жұмысшылардың жайлы жұмыс істеуі мен демалуы үшін барлық қажетті жағдайлар қарастырылған: инженерлік-техникалық персоналға арналған кабинеттер, асхана, 35 орындық акт залы және демалыс бөлмесі бар.
Барлық үй-жайлар жаңа жиһазбен және заманауи жабдықтармен жабдықталған.
Еңбек жағдайларын жақсарту өндірістік міндеттерді орындаумен қатар, «ҚазТрансОйл» АҚ әлеуметтік саясатының маңызды аспектілерінің бірі.
