Ақтау қаласында өткен «ҚазМұнайГаз» ҰК» АҚ компаниялар тобы қызметкерлерінің дәстүрлі спартакиадасы өз мәресіне жетті. Аталған спорттық шараға «ҚазМұнайГаздың» 30 еншілес және тәуелді ұйымынан 700-ден астам қызметкер қатысты.
«ҚазТрансОйл» АҚ-дан 71 қызметкер түрлі спорт түрінен сынға түсті. Командамыз тек алтын медальдарды жеңіп алып, жалпыкомандалық есепте 13 алтынмен үздік деп танылды.
Жеке біріншіліктерде жеңіске жеткен қызметкерлеріміз:
Садақ ату (әйелдер):
– Маңғыстау мұнай құбыры басқармасына қарасты «Жетібай» мұнай айдау станциясының технологиялық қондырғылар операторы Қаракөз Қилыбаева.
Қол күресі (әйелдер):
– 65 келіге дейінгі салмақта — Батуми теңіз портының әкімшілік бөлімінің хатшысы Шорена Девадзе.
– 65 келіден жоғары салмақта — Маңғыстау МҚБ орталық зертханасының химиялық талдау лаборанты Елена Буркальцева.
Үстел теннисі (әйелдер):
– Жезқазған МҚБ «Құмкөл» БМАС-ның химиялық талдау лаборанты Томирис Марғарапова.
Жүзу:
– Ерлер (40 жасқа дейін) — Павлодар МҚБ «Петерфельд» ЖӨДС желілік құбыршысы Игорь Сорокин – І орын.
– Әйелдер (40 жастан асқан) — Павлодар МҚБ ақпараттық жүйелерге қызмет көрсету учаскесінің жетекші инженері Ирина Филяева.
– Әйелдер (40 жасқа дейін) — Батуми теңіз портының ИМЖ және стандарттау басқармасының тәуекелдер жөніндегі жетекші маманы Зинаида Ильченко.
Тоғызқұмалақ (әйелдер):
– Павлодар МҚБ техникалық диагностика жөніндегі инженері Сабина Өмірзақова.
Шахмат:
– Әйелдер арасында — Орталық аппараттың тәуекел-менеджменті және бизнес-процестер басқармасының жетекші маманы Айгерім Мұратова.
– Ерлер арасында — Қарағанды МҚБ өлшеу құралдарын тексеру учаскесінің жетекші инженері Валерий Аллаяров.
Командалық ойындардағы жеңістеріміз:
– Волейболдан әйелдер және ерлер командалары 1-орынға ие болды.
– Баскетболдан ерлер командасы үздік команда деп танылды.
Командалық табыстармен қатар, жеке ойыншыларымыз да ерекше көзге түсті:
– Волейбол (ерлер): «Үздік ойыншы» – Қарағанды МҚБ «Трудовое» АҚП-ның электр монтері Нұржан Бейсенбаев.
– Волейбол (әйелдер):
«Үздік ойыншы» – Павлодар МҚБ ӨҚБ сылақшысы Аружан Қадыр.
«Үздік қорғаушы» – Павлодар МҚБ ӨҚБ сылақшысы Назгүл Айдарханова.
– Баскетбол спорт түрінен «Үздік шабуылшы» – Атырау МҚБ электрхимиялық қорғаныс және әуе желілері /ЭХҚ және ӘЖ/ учаскесінің электромонтері Рустам Өтегенов.
«ҚазТрансОйл» АҚ ұжымы спортты серік етіп, салауатты өмір салтын ұстануды және насихаттауды жалғастырып келеді. Қызметкерлеріміздің бұл жетістіктері – тұрақты жаттығулардың, ұйымшылдық пен кәсіби рухтың жарқын дәлелі.
Барлық жеңімпаз әріптестерімізді шын жүректен құттықтаймыз! Біз сіздермен мақтанамыз!
