«ҚазТрансОйл» АҚ бас директоры (Басқарма төрағасы) Арман Қасеновтың төрағалығымен денсаулықты, еңбекті және қоршаған ортаны қорғау мәселелері бойынша ай сайынғы кеңес өтті.
Іс-шараға орталық аппараттың, құрылымдық бөлімшелердің, сондай-ақ компанияның еншілес және бірлесіп бақыланатын ұйымдарының басшылары қатысты.
Кеңес барысында өндірістік нысандардағы қауіпсіздікті қамтамасыз етудің өзекті мәселелері қаралды. «ҚазТрансОйл» АҚ мен оған қызмет көрсететін мердігер ұйымдардағы өндірістік қауіпсіздік, еңбек және қоршаған ортаны қорғау жағдайын жақсарту шараларына ерекше көңіл бөлінді.
