«ҚазТрансОйл» АҚ Маңғыстау мұнай құбыры басқармасының «Бейнеу» желілік өндірістік-диспетчерлік станциясының технологиялық қондырғыларының операторы Ағамберді Қалданов төтенше жағдайға байланысты Бейнеу ауылының тұрғындары арасынан еріктілер тобын құрып, әлеуметтік желіге жүгінді. Осылайша, жаңадан құрылған 45 ерікті өз көліктерімен жергілікті тұрғындарға көмектесу үшін Құлсары қаласына аттанды.
Бей-жай қарамайтын азаматтар қолдарына күрек пен қапшықтарды алып, бөгет салуға жәрдемдесті, жергілікті тұрғындарды көшірісті, сондай-ақ Бейнеу қаласына орналастыруға көмектесті.
