Қазақстан Республикасының Президенті Қасым-Жомарт Тоқаев Қазақстанның мұнай-газ саласының 125 жылдығына арналған салтанатты жиналыста сала қызметкерлерін атаулы күнмен құттықтады.
Президент еліміздің мұнай-газ саласын дамытуға қомақты үлес қосқан еңбеккерлерге мемлекеттік наградаларды табыс етті. Олардың ішінде жоғары марапаттарға ие болған «ҚазТрансОйл» АҚ-тың қызметкерлері де бар.
Құлсары мұнай құбыры басқармасына қарасты «Құлсары» желілік өндірістік-диспетчерлік станциясының «Айранкөл» қабылдау-тапсыру пунктінің химиялық талдау зертханашысы
Мәншүк Баитова «Құрмет» орденімен марапатталды.
Шымкент мұнай құбыры басқармасы тіректі апаттық-қалпына келтіру пунктінің желілік құбыршысы
Қанат Құдайбергенов пен Атырау мұнай құбыры басқармасы өндірістік қызмет көрсету базасы жылу-сумен жабдықтау және кәріз жүйесін жөндеу мен қызмет көрсету учаскесінің жылу-сумен жабдықтау және кәріз жүйесі шебері
Оралбек Жұмабаев «Ерен еңбегі үшін» медалімен наградталды.
Әріптестерімізді лайықты наградаларымен шын жүректен құттықтаймыз!